Бақша қараоты

Бақша қараоты (лат. Portulaca olerаcea)^[1] - қараоттар тұқымдасы, қараот туысына жататын бір жылдық шөптесін өсімдік.

Бақша қараоты
Ғылыми топтастыруы
Дүниесі: Өсімдіктер (unranked) Қос жарнақтылар Тұқымдасы: Қараоттар тұқымдасы Тегі: Қараот (Portulaca) Түрі: Бақша қараоты
Екі-есімді атауы
Portulaca olerаcea

Ботаникалық сипты

• Биіктігі 10-35 см.
• Сабағы етжеңді, жайылып өседі. Түбінен бастап бұтақтанады.
• Жапырақтары қондырмалы, ұзынша сына тәрізді, ұшы доғал, түбіне қарай жіңішкерген, жоғары жағында қарама-қарсы кезектесіп орналасқан. Жапырағының ұзындығы 1-2 см, ені 1 см-ге дейін, етжеңді.
• Гүлі майда, жапырақ қолтығынан дана немесе 2-3 -тен топтасып жетіледі. Тостағанша жапырақтары шөптесін, күлтелері сары түсті. Аналығы ұзын. Маусым-қыркүйек айларында гүлдеп, жемістенеді.
• Жемісі жұмыртқа тәрізді немесе дөңгелек шар тәрізді қауашақ, ұзындығы 5-8 мм.
• Тұқымы бүршік тәрізді, қара қоңыр түсті. Мал жемейді.

Өсетін жері мен таралуы

Жер бетінде тропиктік және субтропиктік аймақтарында таралған. Қазақстанда Каспий маңында, Балқаш-Алакөл ойысында, Іле, Күнгей, Қырғыз Алатауларында кездседі. Өсетін жері - өзендердің құмды жайылымдары, егістіктер, бақшалар, алаңқайлар.

Қолданылуы

Гүзардағы мәдени сәндік түрі

• Медицинада бақша қараотының дәні және жапырағынан жасалынған дәрілер бүйрек, бауыр, т.б.ауруларға қарсы ем үшін пайдаланылады.
• Аспаздықта шикідей, пісірлген және маринадталған түрінде тамақ дайындау барысында қолданылады.
• Мәдени сәндік түрі гүлзарларда өсіріледі.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5